„Мајк Ејмсбери ѝ помага на полицијата во Чешир во истрагата по инцидентот во петокот вечерта. Во очекување на истрагата, Ејмсбери е административно суспендиран од членството во Лабуристичката партија“, рече портпаролот на Лабуристичката партија, објави Би-Би-Си.
Who thinks Labour MP Mike Amesbury should RESIGN ? @MikeAmesburyMP
— WeGotitBack 🏴🇬🇧🇺🇸 (@NotFarLeftAtAll) October 27, 2024
He attacked one of his constituents in a taxi queue … we cannot have violent thugs as MP’s pic.twitter.com/k6Qw3un5Vf
Новата снимка, објавена вчера попладне, покажува како пратеникот на Ранкорн и Хелсби го удира човекот, кој потоа паѓа на земја, пред да го удри уште неколку пати. Тројца случајни минувачи потоа дошле и интервенирале меѓу двајцата мажи.
„Педесет и петгодишен маж беше сослушан во полиција во врска со овој инцидент. Тој потоа беше ослободен во очекување на понатамошна истрага“, кратко соопшти полицијата.
„Мајк Ејмсбери мора да одговори на прашањата за неговото однесување и правилно е тоа да биде темелно истражено“, рече портпаролот на Конзервативната партија.
На првиот клип, кој вчера стана вирален на социјалните мрежи, се гледа како Ејмсбери му вика на човек што лежи на земја, велејќи: „Никогаш повеќе нема да ми се закануваш“.
Ејмсбери гестикулираше кон човекот и додаде: „Да, јас сум пратеник, да, тоа сум јас и никогаш повеќе нема да му се закануваш на пратеник, нели?“
Ејмсбери рече дека се чувствувал „загрозен на улица по вечерното излегување со пријателите“ и додаде дека „сам ја контактирал полицијата во Чешир за да пријави што се случило за време на овој инцидент“.
„Јас не би коментирал повеќе јавно, но секако дека ќе соработувам со полицијата доколку е потребно“, додаде тој.
Полицијата претходно соопшти дека полицајците биле повикани во 2.48 часот во саботата за повик за напад во главната улица, Фродшам.
Лабуристичката партија претходно соопшти дека е запознаена со инцидентот и дека Ејмсбери, кој е пратеник од 2017 година, ќе „соработува со истрагата“ што ја спроведува полицијата.
