Таа за оваа пригода избра црн краток фустан над кој облече бунда, а сѐ заврши со едноставни црни потпетици и чанта во иста боја.
Судејќи по фотографиите, таа беше насмеана, но не сакаше да позира и да дава автограми, па побара да не се фотографира, што може да се види на некои од фотографиите каде ја држи раката горе и не им дозволува на папараците да ѝ се приближат.
Една од причините за ваквото нејзино однесување би можело да биде тоа што нејзините обожаватели често ѝ поставуваат непријатни прашања. Така, на неодамнешната проекција на филмот во САД, Џенифер многу се налутила откако некој ѝ поставил прашање за уапсениот рапер и нејзиното поранешно момче Диди.
Според Дејли Мејл, во еден момент еден обожавател ја прашал: „Имате ли коментари за Диди и обвинувањата против него?“. После тоа, таа наводно престанала да дава автограми без да каже збор и ја напуштила просторијата.
Инаку, филмот Unstoppable е биографска спортска драма која ќе излезе на почетокот на следната година. Драмата ја следи инспиративната, вистинска приказна за студентот-спортист Ентони Роблс, кој го игра Џарел Џером, а Џенифер Лопез ја глуми неговата мајка Џуди. Вилијам Голденберг беше одговорен за режијата, а главни продуценти беа Мет Дејмон и поранешниот сопруг на Лопез, Бен Афлек.
Неодамна Бен проговори за нејзината актерска улога во филмот. Тој изјави дека тој и Мет Дејмон се многу горди на целиот тим, а посебно истакна дека „Џенифер е спектакуларна“. Многу нејзини обожаватели се согласија со него и го пофалија што убаво зборува за познатата пејачка и актерка и по бурниот развод.
