Среќниот пар уживал во романтичниот одмор, кога младиот човек решил да го направи уште поубав.
Тие престојувале во стан кој имал прозорец под вода, па Стивен дошол до оригинална идеја. Тој нурнал пред својата сакана, а потоа ѝ го покажал писмото што го притиснал на стаклото. Го чувал во најлонска кеса, за да не го уништи водата, а со него сакал да изрази благодарност за добиената љубов.
Младиот човек во еден момент ја превртел хартијата и открил друг дел од пораката. До моментот кога Кенеша сфатила дека е запросена, нејзиниот избраник веќе го извлекол прстенот. Во видеото кое го обиколи светот, слушаме како една воодушевена девојка вели „да“, по што Стивен тргнува кон површината.
За жал, тој не излегол жив, бидејќи трагично се удавил. Ќе испадне дека тој ја опишал својата смрт во пораката, со зборовите: „Не можам да го задржам здивот доволно долго за да кажам што сакам со тебе“, пренесува LadBible.
Властите подоцна објавиле дека несреќниот човек „трагично се удавил додека нуркал“, додавајќи дека „апсолутно ништо не можело да се направи“ кога пристигнале на местото на несреќата.
In this footage from 2019, Steven Weber is seen swimming down to his girlfriend, Kenesha Antoine, who was inside their underwater hotel room in Tanzania.
— Morbid Knowledge (@Morbidful) August 18, 2024
He presented a note enclosed in a zip-locked bag with the words "will you marry me?" and then revealed the ring to Kenesha.… pic.twitter.com/k20v8FoCHp
Последното видео од живиот Стивен го објави неговата избраничка на Фејсбук, а четири години по трагедијата проговори за него.
„Моите зборови не можат да опишат некој толку неверојатен. Сакам да му го напишам најголемото љубовно писмо на светот, но како може зборовите да бидат доволни? Посакувам зборовите да скокнат од страницата и да ја покажат нејзината суштина, па секој да го запознае. Неговото срце беше големо колку месечината. Не, поголемо“, напишала меѓу другото Кенеша.
