Министерката за енергетика Сања Божиновска изјави дека e во тек тендер за набавка на јаглен во ТЕЦ Осломеј и него го спроведува Електростопанство на Македонија.
Како што рече, Министерството за енергетика ќе ги коригира политиките, а јаглен набавува АД ЕСМ кое е под Владата, и оти набавката сега ќе биде транспарентна.
-Јавниот повик е објавен и може да се види на веб-страницата – изјави Божиновска одговарајќи на новинарско прашање колкава набавка на јаглен се планира и од каде.
Таа рече дека во однос на одделни набавки од поранешното раководство на ЕСМ веќе се почнати ревизии и дека Министерството е фокусирано на грејна сезона и на зимата.
Божиновска денеска присуствуваше на доделувањето ваучери за набавка на инвертер клима-уреди во Скопје.
