Најновата студија ја откри идеалната големина и форма на градите, но и тоа дека големината не е најважниот фактор, пишува Дејли мејл.
Истражувачите побарале од 1.000 мажи и жени да ја оценат привлечноста на повеќе од дваесетина пара гради на фотографии. Откриле дека градите со умерена големина, како и оние со поголем волумен во пределот над брадавиците, имаат најголем резултат. Градите со поблиски брадавици, исто така, се високо рангирани во таа студија, како и веселите гради. Но, се чини, дека големината и симетријата не се најважни.
За студијата, научниците од Универзитетот во Њујорк користеле фотографии од градите на жени кои биле подложени на хируршки процедури помеѓу 2009 и 2019 година. Сите овие жени биле помлади од 47 години и претходно не биле подложени на операција за зголемување на градите.
Фотографиите им биле прикажани на 1.021 лице, од кои 52 отсто биле жени. Тие ги оценувале градите на скала од еден до пет врз основа на нивната перцепција за привлечност, при што петка за најпривлечните, а единица за најмалку привлечните.
Резултатите покажале дека градите во просек добивале 2,5. Петте најдобри гради имале просечна оценка од 3,1, пишува Дејли мејл.
Покрај тоа што имаат поголем горен волумен и умерена големина во споредба со другите гради, најдобро оценетите гради во оваа студија имале и значително помало растојание меѓу брадавиците.
Пет пара гради имале просечен волумен од 300 см3. Интересно е тоа што двата највисоко оценети пара гради не се симетрични гради.
– Само контурата на градите беше поврзана со субјективниот резултат од анкетата. Ниту една друга карактеристика не влијаеше значително на мислењата за естетиката на градите, можеби одразувајќи ја големата варијација во личните преференци и како поединците одредуваат што им е привлечно. Ова исто така може да значи дека целокупниот изглед може да биде поважен за проценката на една личност отколку присуството или отсуството на одредени карактеристики на градите, велат истражувачите и авторите на оваа студија.
Сепак, оваа студија има некои ограничувања, а тоа се дека вклучувала оценки и од мажи и од жени, а не бил вклучен целиот опсег на големини и форми на гради.
Студијата е објавена во списанието Plastic and Reconstructive Surgery — Global Open.
