Како што објави „Дејлимејл“, тие ги прекршиле строгите закони за односи меѓу половите во најконзервативната провинција во земјата, која има над 275 милиони жители.
Провинцијата Ачех е единствената во Индонезија, најнаселената муслиманска земја во светот, каде што се спроведува шеријатскиот закон. Објавени се вознемирувачки фотографии од спроведувањето на страшната казна, која вообичаено ја спроведува шеријатската полиција „Вилајатул Хисбах“.
Indonesia | Two couples caned as punishment for 'having sex outside marriage' https://t.co/oPNWj9nSag via @MailOnline #indonesia #aceh #islam #sharia #caning #humanrights #flogging
— Death Penalty News (@WebDPN) April 25, 2024
На фотографиите се гледа како казнетите жени клекнуваат со наведнати глави, додека мажите стојат додека ги удираат. По извршувањето на казната, на фотографиите се забележани повредите на еден маж. Властите го прегледале за раните и крвавите расекотини на грбот. Пред извршувањето на казната, на осудените им биле извршени лекарски прегледи при што им бил измерен крвен притисок.
Two couples are thrashed 20 times with canes as punishment for being caught 'having sex outside marriage' in Sharia law-ruled region of Indonesia https://t.co/jQzr1umih6 pic.twitter.com/tE0Y7t7i85
— Daily Mail Online (@MailOnline) April 25, 2024
Покраинската влада минатата година ги заостри и онака строгите закони за однесување на спротивните полови. На мажите и жените кои не се во роднинска врска или во брак им е забрането да бидат во близок контакт на јавни места или во транспорт. Целта на заострувањето на законот, како што објаснуваат надлежните, е да се формира генерација млади луѓе кои верно ќе се придржуваат до исламските вредности во секојдневниот живот.
- Мажите и жените кои не се во брак или роднинска врска не можат да седат заедно на јавни места, затскриени места или во возила, согласно законот.
Како дел од борбата против дружењето, властите, исто така, наредиле 24-часовните кафулиња да се затворат на полноќ, намалувајќи го најпопуларниот извор на забава во регионот. Градоначалникот на Банда Ачех, регионалниот главен град, предупреди дека ќе распореди шеријатска полиција за да обезбеди усогласеност со новите правила.
Со удари со стап се казнува за злосторства кои вклучуваат интимност или сексуална активност за невенчани парови, секс надвор од бракот, истополови сексуални односи, продажба и консумирање алкохол и коцкање. Камшикувањето долго време е јавен спектакл што се одржува на отворено. Со години, активистите за човекови права повикуваат на прекин на оваа нечовечка и понижувачка форма на казнување.
Организацијата за човекови права Амнести интернешенел изјави дека властите во регионот извршиле најмалку 60 јавни камшикувања на 254 лица во 2020 година. Во 2019 година, една жена и еден маж се онесвестиле за време на егзекуцијата со 77 удари со стап.
- Никој не заслужува да биде брутално понижуван на ваков начин. Камшикувањето е сурово, нехумано и понижувачко постапување и може да биде тортура - изјави Усман Хамид од Амнести интернешнал.
