Во компанијата е пријавен голем ИТ проблем, поради што пилотите не можат да ги достават плановите за летови по електронски пат, па морале рачно да се пријават во оперативниот центар на аеродромот Хитроу, пренесе „Мирор“.
Бритиш ервејс затвори десетици летови по пријавен голем ИТ дефект што остави илјадници патници на аеродромите. Пилотите исто така не можеа да достават „листови за оптоварување“ кои се клучни за безбедноста на авионот, бидејќи ја пресметуваат тежината и распределбата на товарот, горивото и патниците.
Околу 17 часот попладнево, патниците почнаа да пријавуваат проблеми, а некои тврдат дека сè уште чекаат да полетаат додека не добијат дозвола. Според извештаите, се формирале редици на терминалот 5 на аеродромот Хитроу.
🚨#BREAKING: Entire British airways computer system is down affecting every flight
— R A W S A L E R T S (@rawsalerts) December 20, 2022
📌#UnitedStates| #USA
All of British airways flights are currently grounded as their computer system is down affecting all flights worldwide and no flights can take off or can file a flight plan pic.twitter.com/4dWMU4KKg5
Се вели дека пилотите се обидувале да ги информираат патниците за најновите случувања, додека веб-страницата на авиокомпанијата, наводно, привремено е исклучена. Пораката на страницата моментално гласи: „Во моментов имаме голем број барања на ba.com“.
На социјалните мрежи, патниците исто така објавија дека се блокирани на пистите во Неапол, Дизелдорф и Тенерифе.
Еден патник на социјалните мрежи напиша:
„Апсолутен хаос, откажани три лета овој месец и сега сме заглавени на писта во многу студената Верона и чекаме веќе одложен лет. Што се случи со националната авиокомпанија? Не е погодна за патување“.
