ТАКСИСТИТЕ БАРААТ ЦЕНИТЕ ДА СЕ ЗГОЛЕМАТ, а кој се вози со такси знае дека не е евтино

Кој се вози со такси знае дека цените не се евтини, за релација од 3 километри во Скопје во зависност од гужвите и семафорите може да платите и 200 денари, а поради ноќниот тарифник, навечер се уште поскапи.

Но таксистите сметаат дека малку наплатуваат и бараат да се покачат цените.

Таксистите во Скопје бараат зголемување на цените на такси-услугите. Според нив, стартот треба да изнесува 60 денари, а за секој изминат километар треба да се наплаќа по 35 денари. За чекање во место тарифата, според нив, треба да изнесува 480 денари за час.

Тие истакнуваат дека сегашниот ценовник не се менувал 11 години, што веќе не е одржливо поради зголемените трошоци за гориво, резервни делови и одржување на возилата. Додаваат и дека покачувањето е неопходно за да можат да го покријат растечкото оптоварување и да продолжат да работат во услови на инфлација.

Доколку предложените промени бидат прифатени, цените на такси-услугите во Скопје ќе пораснат за околу 20%.