Пратениците и советниците од опозицијата утринава повторно го блокираа влезот во зградата во која се наоѓаат судот и обвинителството во Нови Сад, јави новинската агенција Бета.
Полицискиот кордон повторно е поставен пред зградата на судот и е двојно поброен од вчера.
Полицијата е во полна опрема за разбивање демонстрации. И во внатрешноста на зградата се видливи полициски сили.
Опозициските политичари направија човечки синџир пред кордонот и се држат за рака. Тие го поставија и знамето на Србија.
Дел од вработените во судот и обвинителството денеска дошле порано на работа за да се обидат да ја избегнат блокадата на зградата.
Како што јавува репортерот на „Блиц“ од местото на настанот, приведен е и еден постар маж бидејќи наводно во текот на метежот испрскал полицаец со бибер спреј. Тој бил приведен од полицајци во цивилна облека.
Инаку, Вишото јавно обвинителство утрово соопшти дека поради трагедијата на Железничката станица во Нови Сад се уапсени 11 лица.
<b>Опозицијата попаѓа</b>
Во општа пресметка со полицијата неколкумина опозиционери завршија на земја, а во еден момент полицијата ја отстрани и влезната врата од зградата.
На видеата може да се види дека пратениците Борислав Новаковиќ и Мариника Тепиќ, меѓу другите, се тепаат со припадниците на полицијата.
