Случајот на обвинение, а потоа и судење, против кардиохирургот Жан Митрев и неговата Клиника Жан Митрев “по допрен глас“ од невладиниот владин сектор кој целосниот свој труд со години го става во функција на СДСМ, откако се разјасни дека се работи за обид за рекет од страна нa економски профитери од кампот на ДУИ и СДСМ – стана естраден случај во судски простор, или збир на скандали од страна на обвинителството.
На вчерачното рочиште скандалите добија нова страница. Шоу на обвинителката Искра Хаџи Василева во судница какво, без сомневање, не е видено со децении во некој македоински суд: навреди, гласно викање, довикување, упаѓање во збор на судијката и одбраната, сугестии на сведоците од обвинителството пред очите на судиите... Се што можете да видите меѓу екстремните хулигани на фудбалските стадиони, фалеа уште само тупаници и димни бомби во судницата.
Од извори кои присуствувале на денешното рочиште од судењето на кардиохирургот Жан Митрев дознаваме дека од присутните оштетени, еден оштетен, Драган Малиќ, воопшто не ни не предјавил оштетно побарување, се откажал од барање на било какво оштетно побарување .
Друг оштетен, Лидија Мецановска, изјави дека во обвинителството не била прашана за штета, па се поставува прашање од кого е внесена нејзината наводна изјава дека предјавува оштетено побарување и тоа во износ сосема различен од тој што го побара на денешното судење. Истата оштетена уште повеќе категорично тврдеше дека воопшто во обвинителството не била прашана за штета.
На судењето од спомната предјавена штета од околу 6.500 евра, сред судење и без докази за основаност или вештачење, присутната побара дополнителни 200.000 евра за “душевна болка“ после лекувањето во клиниката Жан Митрев. На забелешка на одбраната од каде и произлегува проценката на нови 200.000 евра и дека тие не се наведени во обвинението... одговара во нејзино име – обвинителката: Може да бара колку што сака!!!
Така, наместо евентуален поврат на уплатени пари, сега почнаа лицитации “од глава“ и без доказ и образложение: кој колку и да уплатил за лекување, бара по 50,100 па и 200.000 евра за дополнителна “душевна болка“.
Е така изгледа просечен македонски обвинител денес, и такви им се обвиненијата и однесувањето кон судот и законската постапка. Како што сакаат!
Патем, се води процес за “измама“, евенетуално, ако има докази кои досега никој не ги видел, да се вртат пари колку што се земени од паценти кои се сведоци или оштетени, а “душевна болка“ е сосема друг процес, според поинаков член од законот, основаност, причина и вредност на штета утврдена со вештачење и се што следи. Но, ете, на присутната од страна на обвинението и дошло дека, дополнително, имала “душевна болка“ која, сама, си ја проценила на 200.000 евра и бара во оваа постапка за измама да и се исплатат. А обвинителката и сугерира, сред судница, што и како да зборува.
Инаку, и на ова рочиште имаше зачудувачки изјави од обвинителката која повторно наведе дека било дозволено да се испитуваат сведоци групно како што тоа го чинела во овој случај што за познавачите на правото е признавање на сериозна повреда на Законот за кривичната постапка, или пак натамошна изјава дека таа им укажувала и ги упатувала оштетените што можат да очекуваат како оштетно побарување. Таа им покажува дека знае каква ќе биде пресудата и колку пари да очекуваат, а пари се добар мотив за стекнување сведоци.
Со еден збор – хаос, неред, викање до ниво ан врескање од страна на обвинителката, и навреди кон адвокатот на Жан Митрев и судијката која на секои 10-15 минути морала да ја опоменува обвинителката за однесувањето.
Обвинителката Искра Хаџи Василева во еден момент, при крајот судењето изјави пред судот – дека предлозите на одбраната биле “вон од здравиот разум“, за да потоа бара судот да воспостави ред на што од Судот доби одговор дека заради неа не е можно да се воспостави ред во судницата.
Или, децидно, кажано од судијката до обвинителката: “Заради вас не може да се воспостави ред во судницата...“
Кога обвинителката и сугерира на сведокот или оштетената присутна што да каже, судот ја опоменува но, таа одговара дека е тоа нејзина “слобода на говор...“. Хаос.
Побаравме коментар од обраната на Жан Митрев при што добивме краток одговор “агресивно попречување на одбраната да ја врши својата законска функција не само на денешното судење туку и во сите претходни”.
За сето ова постои видео снимка, процесите по барање на одбраната се снимаат и тој документ, доказ и трага останува.
Не е ништо ново обвинители да се однесуваат во судот како хулиганите од трибините кога нема “да им тргне“ како што очекуваат. Со години обвинителите ги третираат судиите како свои извршители и, што е најлошо, судиите најчесто го извршуваат тоа што обвинителите им го наметнуваат поништувајќи го и својот личен и професионален углед и Законот. Причина? Се плашат од притисокот на “невладините“ и медиумите од кампот на СДСМ и ДУИ и од Судскиот совет кој е поставен од нивната власт. Резултат, масовни пресуди за вина без основ. Според податоци од статисткита, од 95-97% обвиненија и тужби судот пресудува – вина, процент на виновни каков што нема во ниту една држава од Ирска до Казахстан.
Оваа пракса е уште од формирањето на СЈО кое се распадна како криминална појава, обвинителите од СЈО се навикнати да газат се пред себе имајќи заштита од власта на СДСМ и ДУИ, и кога се преселија во Јавното обвинителство тие со своите навики ги контаминираа и другите таму.
Дали обвинителите до Јавното обвинителство се сеќаваат на изјавите на Катица Јанева и нејзините 10 колеги обвинители од СЈО дека тие се тука затоа што редовното, уставно Обвинителството, е неспособно, нестручно и корумпирано. Сега, откако Катица Јанева е осудена за корупција а 10 обвинители од Анткорупциска оценети како сомнителни затоа што земале над 1 милион евра од СЈО за “вонредни напори“ иако тие пари по закон не им следуваат “чистите“ обвинители од СЈО преминаа во уставното Обвинителство, и го контаминираат.
Оттаму го гледаме она што никаде во Европа не се гледа: Отворена војна помеѓу Основното обвинителство и Вишото обвинителство во Скопје! Војна во која државниот обвинител, и тој поставен од власта на СДСМ, застанува зад интересите на обвинителите од СЈО и скопското обвинителство и суспендира обвинители од Вишото обвинителство а за други наредува и усмерува контрола на нивната работа за да не се донесе Решение за истрага против обвинителите од СЈО за незаконски доделените и земени над милион евра од Катица Јанева.
Во правосудството врие, меѓусебно се гонат обвинителите, судиите чекаат промена на судскиот совет за да се вратат на професијата и Законот, а сите други кои плаќаат даноци за правосудниот буџет или се дел од судските процеси гледаат и чекаат. За тоа време имаме обвинители кои адвокатите ги нарекуваат дека се луди или, како на ова судење за Жан Митрев, формулирано дека се “вон здравиот разум...“, а судијата не им изрекува парична казна.
Шансите за ослободителна пресуда, а тоа се 2-3%, се отприлика колку шансите да се добие седмица на Лото.
А нормално ли е судењето да се претвори во томбола и сето тоа да се плаќа од јавни пари, да се гледа од страна и трпи?!
