Иако одамна ја обезбедија првата и историска титула во Бундеслигата, фудбалерите на Баер Леверкузен продолжија да ги поместуваат границите во оваа неверојатна сезона.
Тие денеска гостуваа во Франкфурт и го декласираа Ајнтрахт со 5:1, во натпреварот од 32. коло. Ова беше 48-ми меч без пораз за избраниците на Чаби Алонсо, кои попладнево до победата дојдоа и без голем дел од главните играчи кои одмораа за мечот во ЛЕ со Рома.
До крајот на лигата Баер (Л) имаат дуели со Бохум на гости и со Аугсбург на домашен терен, а ќе игра и во финалето на германскиот куп со Кајзерслаутерн.