Откако проекциите покажаа дека поранешниот претседател Доналд Трамп ќе победи во Северна Каролина и води во сите други држави, патот на потпретседателката Камала Харис до победата се стеснува и би можела да постигне победи доколку ги добие државите „Син ѕид“ во Висконсин, Мичиген и Пенсилванија - особено во втората.
„Ако Доналд Трамп победи и во Џорџија, потпретседателката не може да си дозволи да ја изгуби Пенсилванија. Да, Невада е таму. Аризона е таму. Мичиген и Висконсин се таму“, рече Џон Кинг од Си-Ен-Ен, но нивните електорски гласови нема да доведат до победа.
Со 93% од гласовите преброени во Џорџија веднаш по полноќ, Трамп водеше со над 2 поени. „Ако Трамп победи во Џорџија, патот на Харис е толку ограничен“, рече Кинг.
Со 84% преброени гласови во Пенсилванија, Трамп има нешто повеќе од 3 поени предност - иако потпретседателката го гради своето водство во демократското упориште Филаделфија.
„Ако ја гледате мапата сега, повеќе би сакале да бидете Доналд Трамп“, рече Кинг, пренесе Си-Ен-Ен.
