Медиумите објавија дека по инцидентот биле уапсени и речиси 30 лица, објави Ројтерс.
Основачот на Wildberrys и мнозински сопственик, Татјана Бакалчук и нејзиниот сопруг Владислав, против кого таа поведе постапка за развод и кој имал мал удел во компанијата, се обвинувале меѓусебно за инцидентот.
Според компанијата, до пукањето дошло откако група луѓе, меѓу кои и Владислав, пристигнала во канцеларијата, а Рускиот истражен комитет го истражува инцидентот.
Wildberrys ги објави плановите за спојување со помалата фирма за надворешно рекламирање Рус во јуни, велејќи дека целта е да се создаде платформа за дигитална трговија, а Владислав се спротивставил на спојувањето.
Руските медиуми објавија дека Максим Орешкин, заменик-шефот на претседателската администрација, бил назначен да го надгледува спроведувањето на договорот.
Кремљ соопшти дека планот добил поддршка од претседателот Владимир Путин, но дека тој нема да се меша во неговиот напредок.
Вајлдберис и Татјана Бакалчук денеска соопштија дека група вооружени лица, предводени од Владислав, се обиделе насилно да влезат во канцеларијата.
Владислав, пак, рече дека тој и неговите соработници биле невооружени и дека дошле само да разговараат за бизнис и дека во нив пукало обезбедувањето на придружната фирма РВБ.
Вајлдберис рече дека не се планира средба со Владислав и објави видео од внатрешноста на зградата на кое се гледаат мажи како се тепаат на крајот од ходникот и се слушаат истрели.
Други снимки направени од надвор и споделени на социјалните мрежи покажуваат луѓе кои трчаат кон влезот, звук од пукотници и мажи кои користат огнено оружје.
На крајот на јули, Татјана Бакалчук, која е најбогатата жена во Русија според магазинот Форбс, изјави дека поднела барање за развод од Владислав.
Компанијата, која започна како онлајн платформа за препродажба на облека, сега испорачува производи кои се движат од електроника до кујнски прибор, со обрт од милијарди долари.
