Имено, погребот се одржа во 15 часот, а местото каде што е погребана е токму нејзината последна желба, објави српски Телеграф.
Меѓу првите пред капелата пристигна легендарниот Дадо Топиќ со кого Слаѓана го сними безвременскиот хит.
Пејачот, видно натажен е снимен пред капелата, со наочари на лицето и во црн костум. Горан Милошевиќ, братот на починатиот пејач, прими сочувство во капелата.
Инаку, по ненадејната смрт на Слаѓана, Топиќ зборуваше дека има убави спомени со својата колешка.
„Слаѓана беше мој пријател, мој голем пријател. Имав среќа да ги имам тие прекрасни моменти од тие победи и освоени трофеи на музички настани, што ги доживеавме заедно. Беше добро време, тоа се убави спомени, сетете се на Слаѓана како голема, драга личност, голема пријателка која ми беше искрен пријател во сѐ во животот, во моментите што ги славевме заедно. Се случи што е можно во дует, како Слаѓана и Дадо. Едно време беше и нема да се повтори“, рече Дадо.
Александра Слаѓана Милошевиќ е родена во Белград на 3 октомври 1955 година. Зад себе има долга и успешна кариера.
Таа важеше за икона на новиот бран од осумдесетите во Југославија. Покажала интерес за музика уште во детството.
Таа придонела за модерната музика веќе на дванаесет години, свирејќи и пеејќи во групи како Небеска ковница, Епитаф8, Господа.
