Босанскиот пејач Вукашин Брајиќ на социјалните мрежи откри дека доживеал сообраќајна несреќа во Белград.
Тој на Инстаграм сподели фотографија од удрениот автомобил и напиша:
„Како што се одвиваше вчера, знаев дека требаше да ја откажам свирката, но никогаш не сум го направил тоа во мојот живот. Неколку часа подоцна... Сите сме добро, но затоа што автомобилот е направен како тенк“.
Инаку, Вукашин ја изведе песната „Гром и молња“ на Евровизија во 2010 година, напишана од Дино Шаран. Освои 51 поен и го зазеде 17. место. Публиката го памети и по учеството во реалното шоу „Операција триумф“. Таму го освои второто место.
Редовно настапува во регионот, а на почетокот на годинава зборуваше за тежок период во животот, односно за борбата со депресијата.
„Бев во високофункционална депресија, што не можеше да се забележи. Бегав на работа. Работев толку напорно за да не ја почувствувам таа вознемиреност. Кога сте депресивни, немате чувство за ништо. Не ти е жал што мајка ти ќе плаче ако не си таму, не ти е жал, едноставно сакаш нешто да се случува“, изјави меѓу другото.
