Новинарот Игли Челмета за Балкан веб вели дека во реката Бојана е пронајдено уште едно дете, девојче. Во меѓувреме, продолжува потрагата по телата на мајката и синот на Алма А.
За потсетување, Алма А.(39) скокнала во студената Бојана со трите деца, по, како што се сомнева, претрпеното семејно насилство.
По страшната трагедија, нејзиниот сопруг е уапсен и обвинет за семејно насилство и предизвикување самоубиство.
Во јавноста кружат информации и дека нејзиниот сопруг Ергис А.(31) нашол друга жена и се обидувал да ја избрка од дома Алма, поради што таа решила да се самоубие. Алма исчезнала со децата на 2 мај, а Ергис ја пријавил за исчезната на 3 мај.
Телото на најстарото девојче било пронајдено во саботата вечерта. Рибарот Сафет Х. кој го извлекол телото од реката уште е во шок.
„Ловев риба и видов нешто длабоко околу еден метар. Не бев сигурен што е тоа, дали е кукла или маж. Ја вклучив батериската ламба на телефонот и гледав десетина минути, а потоа се јавив на полиција“ – изјави тој за медиумите во Албанија.