Повеќе од јасно е дека Флоријан Вирц, напаѓачот на Баер Леверкузен и репрезентацијата на Германија, еден од најдобрите фудбалери во светот во овој момент, ќе биде трансфер “бомбата“ следното лето.
За него просто се “тепаат“ Баерн Минхен, Реал Мадрид, Манчестер Сити и ПСЖ.
Се шпекулира дека за него Баер ќе бара околу 150 милиони евра.
Според Маркус Бабел, легендарниот некогашен германски фудбалер, само два клуба би можеле да ја издвојат таа сума. Меѓу нив не е Баерн Минхен:
“Вирц во Баерн Минхен? Не! Само два клуба можат да го купат, тоа се Реал Мадрид и ПСЖ. „Баварците“ би имале шанса само ако Вирц одлучи и следната сезона, онаа 2025/26 да остане во Леверкузен па после СП 2026 да прави трансфер, тогаш цената би била околу 80-90 милиони евра и тоа ќе биде прифатливо за клубот од Минхен, вака тешко, без разлика на желбата на Баерн“ посочи Бабел, кој во свое време беше дел од Баерн Минхен.
