„Победата е наша и ние сме подготвени за војна на исцрпување без оглед колку долго ќе трае. Во таа војна Израел не може да победи. Ние ќе останеме цврсти и (израелскиот премиер Бенјамин) Нетанјаху не може да победи“, рече Касем по повод 40. дена од убиството на неговиот претходник на Хасан Насрала во израелски воздушен напад во Бејрут.
Касем рече дека нема место во Израел недостапно за ракетите на Хезболах. Тој оцени дека бојното поле е единствениот пат до мирот.
„Имаме десетици илјади обучени борци способни да се спротивстават на непријателот. Ќе го наведеме непријателот да бара крај на агресијата“, рече Касем, пренесоа палестинските медиуми.
Отфрлајќи ја можноста за договор преку преговори, Касем рече дека војната ќе заврши само на бојното поле, а не преку политичка акција.
Сепак, тој додаде дека доколку Израел престане со акциите против Хезболах, тогаш ќе се отвори патот за индиректни преговори преку либанската држава.
