Канадскиот патник Ден Шо (41) ја снимил паниката која настанала меѓу патниците додека се обидувале да се исправат, додека предметите околу нив паѓале и се кршеле. Крузерот на Explorer of the Seas на компанијата Ројал Карибиан пловел во близина на африканскиот брег кога бил зафатен од силна бура.
<b>Однесувањето на бродот во бурата го оценил како Титаник</b>
„Тоа беше како Титаник“, изјавил Шо за Кенеди Њуз и Медиа, опишувајќи го инцидентот минатата недела. Според него, патниците врескале, додека се слушал звук на кршење стакла. „Мислев дека можеби ова е крајот и дека бродот ќе потоне“, рекол тој, додавајќи дека потоа го извадил телефонот и им испратил порака на колегите, известувајќи ги дека не знае што ќе се случи и да внимаваат.
„Ја пишував мојата последна порака, мислејќи дека ќе умрам“, додал 41-годишниот, кој за прв пат бил на брод за крстарење. Шо штотуку го напуштил бродот по 12-дневното крстарење од Барселона до Мајами кога огромниот брод почнал да се ниша поради налетот на ветерот со брзина поголема од 120 км/ч.
<b>За време на невремето едно лице е повредено</b>
Според извештајот на CBS News, еден патник бил повреден за време на невремето, а од патниците било побарано да останат во своите кабини за време на безбедносните проверки кои траеле еден час. Бродот итно запрел во Лас Палмас за повредениот патник да добие медицинска помош пред да го продолжи патувањето, соопшти линијата за крстарење.
Зборувајќи за своето трауматично искуство, тој рекол дека чувствува „морници“ секој пат кога го гледа видеото и се чувствува како „добил втора шанса“. Тој тврди дека бродот останал наведнат околу три минути, а кога се вратил во вертикална положба, почувствувал огромно олеснување, сфаќајќи дека тој и другите патници преживеале сериозна ситуација.
