Фудбалерите на Реал Мадрид го победија Кадиз на „Сантијаго Бернабеу“ со 3:0 и сега го чекаат настапот на Барселона за евентуално да ја почнат прославата на шампионската титула.
Карло Анчелоти направи дури 10 измени од составот со кој го одигра натпреварот со Баерн Минхен во ЛШ, повеќето од нив за да ги одмори за реваншот следнава недела.
Така беше искористена можноста да се врати Тибо Куртоа на голот за првпат сезонава, откако се опорави од повредата на предните вкрстени лигаменти на коленото. Белгиецот блескаше, а директно влијаеше и на уривање на отпорот на Кадиз.
Головите за победа на Реал беа дело на Диаз (51’), Белингем (68’) и Хоселу (90+3’).
Реал, доколку Барселона не ја победи Жирона, денеска ќе стане нов шампион на Шпанија.
