100.000 НЕМА ДА МОЖЕ ДА ГЛАСАТ, А ЏАФЕРИ ПРОТИВ ГЛАСАЊЕ СО СТАРИ ДОКУМЕНТИ, имале време да сменат

Статистиките кои ги побарал техничкиот премиер Талат Џафери говорат дека за еден месец, односно во февруари имало 123.983 барања за пасоши, од кои изготвени се над 95 илјади. Лични карти побарале 82.235 граѓани, а изготвени се на 71.410 граѓани.

„Имајќи предвид дека има уште 50 дена до изборите, со оваа динамика, стоте илјади кои се вртат како информации дека немаат документ, во текот на март месец можат сите да се опремат со соодветен документ. Но, иницијално е граѓанинот да иницира барање за да има документ. За да имате документ, треба вие да побарате, рече тој.

Додаде дека сега дојдовме во ситуација граѓани да немаат лични документи.

Не сакам да зборам хипотетички што и како ќе правам, туку откако ќе направам, ќе бидете информирани сите, меѓутоа основно е институцијата да си ја врши работата, а не да се правда. Имам право да одам во секоја канцеларија под владата, тоа право ми следува по хиерархија“, кажа Џафери.

Министерот за внатрешни работи, Панче Тошковски пред некој ден изјави дека ако не се смени законската одредба која што го регулира начинот на гласање и на идентификација, ќе се крши правото на глас.

-Овие 100 илјади луѓе се резиденти и живеат на територија на Македонија. Сите се со право на глас и се чисти македонски граѓани, а немаат важечка лична карта, но со активен пасош со старото уставно име. Државата не може да им издаде соодветна документација бидејќи огромна е бројката. МВР веќе изготви информација до Влада и се надевам дека ќе се вразумат и ќе предложат до Собранието, самите да го решат проблемот. Имаме информација дека ДИК донела одлука и дала предлог во насока да се реши ова прашање. Не знаевме до пред некој ден за оваа бројка кои го губат правото на глас, а имаат активна патна исправа која нема да важи после 12 февруари 2024, рече техничкиот министер во емисијата на „Слободен печат“, за проблемот со кој над 100.000 граѓани во Република Македонија може да им биде одземено