<span lang="EN-US" style="mso-ansi-language:EN-US">Пораст од
33 отсто во патничкиот сообраќај регистрираат двата македонски аеродрома,
Меѓународниот Аеродром Скопје и Аеродромот Св. Апостол Павле Охрид, во 2023
година, споредено со 2022 година. Ланскиот број на патници го надмина и
рекордот од 2019, кога низ двата аеродрома беа опслужени 2,7 милиони. Минатата
година биле регистирани 24 илјади летови до 46 дестинација на Скопскиот, четири
на Охридскиот и дополнителни сезонски авиолинии во летна сезона или вкупно 3,15
милиони патници.</span>
<span lang="EN-US" style="mso-ansi-language:EN-US">Македонскиот
авиосообраќај е со втор најголем раст на превоз во Европа во 2023 година во
однос на 2022 година. Забележани се над 250 илјади воздухопловни операции во
2023 година.</span>
<span lang="EN-US" style="mso-ansi-language:EN-US">Според
статистиката за 2023 година најмногу се патувало кон Истанбул (двата аеродрома
ИГА и Сабиха Гокчен со 10,9% пазарен удел), Базел Милуз (6,4%), Цирих (5,4%),
Франкфурт (4,7%), Дортмунд (4,5%), Виена (4,4%), Минхен Меминген (4,3%),
Анталија (3,2%), Хамбург и Келн (по 2,7%).</span>
<span lang="EN-US" style="mso-ansi-language:EN-US">Топ 5 земји
со директни летови за 2023 година биле Германија (28,3% пазарен удел); Турција
(16,1%); Швајцарија (13,4%); Шведска (6,5%); и Италија (6,4%).</span>
<span lang="EN-US" style="mso-ansi-language:EN-US">Кон крајот
на 2022 година Владата објави повик за субвенционирани авиолетови за периодот
од 2023 до 2025 година. Условите и критеримуните од повикот ги исполнија
Германската авиокоманија „Луфтханза“ која воведе нова авиолинија од Скопје до
Франкфурт, и „Виз Ер“ која воведе четири нови линии од Скопје до Луксембург,
Штутгaрт, Салцубург и до Љубљана.</span>
<span lang="EN-US" style="mso-ansi-language:EN-US">Финансиската
поддршка која Владата им ја исплаќа на овие авиокомпании изнесува седум евра по
патник во заминување превезен од Меѓународен аеродром Скопје и 4,5 евра од
аеродромот Св. Апостол Павле – Охрид. Министерството за транспорт и врски во
својот буџет за 2023 предвиде 1,1 милион евра за оваа намена, а вкупно пет
милиони евра за тригодишната програма.</span>
<span lang="EN-US" style="mso-ansi-language:EN-US">Сметаме
дека е од големо значење за државата, но и граѓаните зошто аеродромот во
Франкфурт е еден од најголемите во Европа и поврзува со 200 меѓународни
дестинации. Финансиската поддршка авиокомпаниите ја добиваат за период од три
години. По истекот на тригодишниот рок, авиопревозниците имаат обврска да
продолжат да оперираат на линиите. Односно, и во наредните три години. Во
спротивно, ќе мора да го вратат целиот износ што ги добиле како финансиска
поддршка“, вели министерот за транспорт и врски, Благој Бочварски.</span>