Неверојатното откритие е снимено во 2018 година, точно 132 години по пишувањето на пораката, пишува Daily Star.
Тоња уживала во својата прошетка кога забележала куп ѓубре и решила да го земе. Потоа нашла шише со порака.
„Мислеше дека ќе изгледа убаво на полицата за книги, па го донесе“, изјави тогаш нејзиниот сопруг Ким.
Двојката внимателно ја извадиле белешката и ја исушиле во рерна, а потоа сфатиле дека пораката е напишана на 12 јуни 1886 година и тоа на германски јазик!
„Од пронаоѓачот било побарано писмото да му го предаде на германскиот конзулат“, додал сопругот.
In a remarkable discovery that unfolded in Edinburgh, Scotland, a local plumber stumbled upon a piece of history hidden beneath the floorboards of an old house. As he went about his routine work, cutting through the floor to access plumbing, the unexpected glint of glass caught… pic.twitter.com/vlhXq5Vtv7
— Historic Vids (@historyinmemes) August 22, 2023
Во меѓувреме, експертите од музејот на Западна Австралија ја потврдиле автентичноста на пораката, по консултации со колегите од Германија и Холандија.
Ќе испадне дека шишето било фрлено од бродот „Пола“, како дел од експериментот на Германската поморска опсерваторија на океанските и бродските патишта.
„Претресот на архивите во Германија најде запис во оригиналниот дневник на капетанот на бродот. На 12 јуни 1886 година, тој забележал дека шишето било фрлено во морето. Датумот и координатите се совпаѓаат со пронајдената порака“, објасни д-р Рос Андерсон.
Шишето било фрлено во југоисточниот дел на Индискиот Океан додека бродот патувал од Кардиф за Индонезија. Струите го однеле до австралискиот брег, а којзнае колку долго било скриено во песокот или ѓубрето.
