Принцот Хари наскоро ќе дојде во Лондон, каде ќе биде во исто време со неговиот татко, но кралот ќе биде „прилично зафатен“ за потенцијална средба со синот.
Кралот и војводата од Сасекс ќе бидат во Лондон во исто време следната недела, што кај некои ги зголемува надежите за повторно обединување.
Сепак, потенцијалната средба меѓу двајцата најверојатно ќе биде краткотрајна бидејќи кралот е „прилично зафатен“, пренесува Телеграф.
Принцот Хари треба да отпатува во Лондон за да присуствува на церемонијата по повод 10-г дишнината од Игрите Инвиктус во катедралата Свети Павле на 8 мај. Тоа ќе биде негова прва посета на Британија од почетокот на февруари, кога дојде да го види кралот веднаш откако му беше дијагностициран рак.
Потсетуваме дека во таа прилика таткото и синот накратко се сретнаа, а средбата траешр нешто повеќе од половина час зад затворени врати во Кларенс хаус.
Војводата несомнено ќе се надева дека ќе го види својот татко повторно следната недела, доколку им дозволат нивните распореди. Се верува дека Чарлс ќе најде време да се види со својот син ако е во можност.
