Одеднаш почнале да повраќаат и да плукаат крв, па била повикана брза помош и полиција.
Истрагата открила дека на несреќните гости им била послужена мешавина од шеќер и зачини која традиционално се нуди после оброк.
Пакетот за освежување наводно содржел и сув мраз, цврста форма на јаглерод диоксид кој вообичаено се користи како средство за ладење, јавува Би-Би-Си.
Локалните медиуми јавуваат дека потрагата по сопственикот на локалот, кој е во бегство, е во тек.
Властите прецизираа дека Анкит Кумар го посетил ресторанот во саботата, придружуван од сопругата и пријателите.
По вечерата келнерот им понудил пакет за освежување, а штом го изеле почнала драмата.
На видеото кое кружи на социјалните мрежи може да се забележат гости во болка - некои од нив ставаат мраз во устата и голтаат вода. Тврдат дека персоналот не сакал да им помогне.
