Капитенот на Аргентина се најде во центарот на вниманието по дуелот со искусниот стопер на Алжир, Аиса Манди.
За време на еден обид да му ја одземе топката, Меси, според многу навивачи, го згази противничкиот фудбалер во пределот на листот и Ахиловата тетива.
Манди остана да лежи на тревникот видливо во болка, додека телевизиските камери набрзо покажаа забавена снимка од спорната ситуација.
Многумина очекуваа полскиот судија да биде повикан да ги прегледа снимките. Токму оваа одлука предизвика лавина од реакции на социјалните мрежи.
Многу навивачи веруваат дека аргентинскиот капитен требало да биде исклучен долго пред да постигне три гола.
„Доколку било кој друг играч го направеше ова, ќе добиеше црвен картон“, напиша еден навивач.
Друг рече: „Само дајте ѝ го трофејот на Аргентина сега. Меси избегнува црвен картон, а ВАР воопшто не реагира“.
Имаше и такви што отидоа чекор понатаму.
„ФИФА ќе го заштити Меси и на ова Светско првенство. Ова беше чист црвен картон“, е еден од коментарите што предизвика голем број реакции.
Други, сепак, застанаа во одбрана на аргентинскиот капитен, сметајќи дека контактот не бил доволно интензивен за да биде исклучен и дека станува збор за ненамерен чекор по топката.
Без оглед на контроверзноста, едно е сигурно. Меси остана на теренот и одигра еден од најдобрите натпревари во последните години.Тој во победата на Аргентина постигна хет-трик.
Со ова се изедначи со легендарниот Мирослав Клосе на врвот на листата на стрелци на сите времиња на Светските првенства.
Додека некои слават уште еден магичен настап на Меси, други веруваат дека целата приказна можеше да изгледа сосема поинаку доколку судискиот тим ја процени спорната ситуација од првото полувреме поинаку.
🖥️💥 Ridículo estrepitoso del VAR en el Argentina – Argelia.
👉🏻 Messi clava los tacos por detrás en el gemelo de Mandi, doblándoselo con uso de fuerza excesiva.
❌ 𝗥𝗢𝗝𝗔 𝗗𝗜𝗥𝗘𝗖𝗧𝗔 𝗖𝗟𝗔𝗥𝗔.
▪️ El VAR, con una cobardía absoluta, decidió desentenderse de la acción. pic.twitter.com/GCd4F19mph
— Archivo VAR (@ArchivoVAR) June 17, 2026
