И дефинитивно Нико Паз и следната сезона ќе игра за Комо. Реал Мадрид и Комо постигнаа конечен договор во врска со иднината на аргентинскиот играч за врска Нико Паз, кој официјално ќе ја продолжи кариерата во италијанскиот клуб.
Како што објави најпознатиот експерт за трансфери, Фабрицио Романо, двете страни успешно ги завршија преговорите, а Кралскиот клуб склучи еден од најинтересните зделки во овој преоден рок.
Имено, Реал Мадрид прво ја активираше клаузулата според која го купи Ник Паз за девет милиони евра, а потоа веднаш го продаде на Комо за дури 60 милиони евра.
Сепак, ни ова не е крајот на целата приказна. Шпанскиот гигант во новиот договор вклучи клаузула според која може да го врати аргентинскиот играч за врска на „Сантијаго Бернабеу“ за 80 милиони евра во иднина. На овој начин, Реал оствари огромна финансиска добивка, но во исто време ја задржа контролата врз иднината на еден од најперспективните играчи кои пораснаа во неговата академија.
Сепак, Комо не сакаше да се откаже од играчот кој беше една од клучните причини за историскиот успех на клубот и пласманот во Лигата на шампионите минатата сезона.
Голема улога во конечната одлука одигра самиот Паз, кој процени дека во овој момент од неговата кариера е поважно да игра од недела во недела отколку да се врати во Реал Мадрид, каде што ќе се соочи со огромна конкуренција за место во тимот.
Таквата одлука се покажа како прифатлива за Реал Мадрид, кој пронајде модел од кој профитираше финансиски, но не ја затвори целосно вратата за евентуално враќање на талентираниот играч за врска. Паз имаше одлична сезона зад себе во дресот на Комо. Во 35 настапи во Серија А, постигна 12 гола и регистрираше шест асистенции, потврдувајќи зошто се смета за еден од најталентираните млади играчи за врска во Европа.
Останува да се види дали Аргентинецот ќе ги оправда големите очекувања во наредните години и еден ден повторно ќе го облече дресот на Реал Мадрид, што дури и по овој трансфер обезбеди можност за негово враќање во нивните редови.
