CBS News и Fox 4 News ја идентификуваа жртвата како Остин Меткалф.
Во соопштението на полицискиот оддел Фриско (ФПД), лоциран на околу 50 километри северно од Далас, се потврди дека инцидентот се случил во 10 часот во средата, на 2 април, на стадионот Кујкендал. ФПД соопшти дека дошло до кавга меѓу Меткалф и друг ученик, што резултирало со фатално прободување со нож, објави магазинот People.
Меткалф првично бил пренесен во локална болница, но подоцна починал од повредите. Бил ученик во гимназијата Меморијал во Фриско, каде трчал на патека и играл фудбал. Неговиот татко Џеф Меткалф зборуваше за Фокс 4 за загубата на својот син.
„Тој требаше да стане извонреден човек и позитивно да влијае на светот“, рече Џеф. „Бев многу горд на него.“
Џеф исто така изрази сочувство до семејството на осомничениот средношколец.
„Сочувствувам со семејството на осомничениот бидејќи сега нивниот син ќе заврши во затвор и ќе дознае дека убил некого, а го уништил и убил мојот син кој никогаш нема да можам да го вратам. Ова е жално за сите нас“, рече тој.
Полицијата го идентификуваше Кармело Антонио (17) како главен осомничен за убиството. Антонио е во полиција и е обвинет за убиство. Антонио одел во Centennial High School во Фриско, во истата училишна област како Меткалф - независен училишен округ Фриско (ISD).
Независниот училишен округ Фриско соопшти дека прободувањето со нож се случило на патека каде што се натпреварувале ученици од осум од 12-те училишта во областа.
Детали за тоа што довело до нападот се уште не се објавени. Истрагата за ова кривично дело е во тек.
