Манчестер Сити има разочарувачка сезона и тоа нема да биде без последици на трансфер пазарот ова лето. Според пишувањето на „ФутМеркато“ управата на тимот во соработка со менаџерот Гвардиола подготвуваат „клоци“ за дури 10 фудбалери.
Покрај тоа, Сити ќе влезе во вистинска трансфер офанзива ова лето, што значи дека голем дел од актуелниот кадар треба да замине. Договорите на Кевин Де Брујне и Илкај Гундоган истекуваат и тие дефинитивно нема да бидат продолжени. Покрај тоа, Пеп веројатно ќе се обиде да продаде неколку играчи за значителна сума на пари.
На листата на оние кои се на излезна врата на „Етихад“ се голманите Едерсон и Ортега, Џон Стоунс, Бернардо Силва, Џејмс Мекати, Џек Гралиш, Матео Ковачиќ и Џереми Доку. За сите ќе се одлучува штом заврши сезоната и дојдат првите понуди.
