Фосилот на предатор кој постоел на Земјата пред 86 милиони години е пронајден на островот Ванкувер (западен брег на Канада) од татко и ќерка, Мајкл и Хедер Траск. Ова беше само почеток на децениска енигма.
Вратот бил држен од 50 коски
Слабо зачуваниот фосил потекнува од периодот креда, еден од најважните во геолошката хронологија. Експертите утврдија дека станува збор за женско морско суштество долго околу 11 метри со долг врат, кој бил држен од најмалку 50 коски.
Огромниот предатор имал робусни и остри заби со кои ги кршел школките на морските мекотели од тоа време, објавува Метро.
Нови откритија
Во годините што следеа, беа пронајдени уште два фосили, со зачувани екстремитети и коски од градите.
Во 2022 година, наодите за прв пат беа објавени во научната литература, но истражувачите се двоумеа дали да создадат нов вид древни суштества.
[UCHILE en la Prensa] @Emol destaca cómo Rodrigo Otero, investigador de la Red Paleontológica Uchile participó del hallazgo del Traskasaura sandrae, reptil marino primitivo descubierto en Canadá https://t.co/LAmIAeMoaA pic.twitter.com/ntHU6sD9UR
— Universidad de Chile (@uchile) May 27, 2025
Се крие од површината
Денес имаме можност да дознаеме дека фосилите се официјално идентификувани, односно дека научниците ја открија мистеријата и го потврдија откривањето на нов вид - морскиот влекач Traskasaurus sandrae.
Пронајдените фосили се изложени во Британска Колумбија и ја покажуваат масивната конституција на предаторот кој, како што се верува, се криел и ловил плен од површината - бидејќи неговата предност било пливањето надолу.
