Американскиот гигант за онлајн шопинг Амазон развива паметни
очила за своите возачи кои би требало да им ја олеснат навигацијата за време на
испораките и да го скратат времето за испорака на стоката, пренесува Ројтерс
цитирајќи пет анонимни извори.<span lang="MK" style="mso-ansi-language:MK"></span>
Според изворите, инструкциите кои им се даваат на возачите
преку очилата би можеле да заштедат неколку секунди за време на испораката и во
исто време да ги намалат трошоците за испорака по пакет.
Трошоците за испорака на Амазон се зголемија во третиот
квартал од 2024 година за осум проценти на годишно ниво на 23,5 милијарди
долари, а компанијата е фокусирана на „последните 100 јарди (91 метар)“ за
време на испораката и верува дека е можно да се забрза работата токму во
последната фаза од испораката.
Проектот се уште не е официјално претставен пред јавноста, а
подобрувањето на овие очила може да потрае со години, додаваат изворите.
Профитот на Амазон во третиот квартал од 2024 година се
зголеми за 55 отсто на годишно ниво на 15,3 милијарди долари, особено
благодарение на добрите перформанси во неговиот оддел за облак компјутери,
објави компанијата неодамна.
Во споменатиот квартал, приходите на Амазон се зголемија за
11 отсто на годишно ниво на 158,9 милијарди долари, а само приходите на AWS
пораснаа за 19 отсто на годишно ниво на 27,5 милијарди долари, беше објавено
минатата недела на веб-страницата на компанијата.
