Локалните медиуми јавуваат дека мажот, сопственик на повеќе имоти и други вредни предмети, префрлил дел од имотот на својата сопруга и го регистрирал „поршето“ на име на својата тешта. Најпрво, сопружниците го финализирале својот „развод“.
Најочигледен доказ
За да може шемата да изгледа поверодостојна, човекот изнајмил куќа, во која живеел сам, но властите се посомневале во целата приказна.
Истражителите утврдиле дека зградата е празна, што го потврдиле и соседите. Тогаш било утврдено дека парот поднел барање за развод еден месец по известувањето од Агенцијата за приходи дека мажот мора да плати 473.359 плус 213.929 евра.
Сепак, најочигледен доказ дека има сомнителна активност биле објавите и фотографиите на социјалните мрежи, пренесува il Fatto Quotidiano.
Фотографиите ги издадоа
Мажот објави селфи со сопругата, напиша романтични коментари и сподели слики од одмор. Надзорните служби утврдиле дека тој го возел „поршето на тештата“ и ги плаќал сите трошоци.
Врховниот суд на крајот на февруари ги потврдил претходните пресуди за даночно затајување, па мажот е осуден на две години затвор, а неговата сопруга на една и пол година.
„Судот со ова потврди дека даночните контроли можат да се прошират и на тековните сметки на сопружниците или на обичајните партнери. Затоа, даночната контрола не може да се избегне со лажно раздвојување“, посочи Стефано Скилби, специјалист за даночно право.
