Германија ја прекина нуклеарната енергија во април 2023 година, кога последните три централи беа трајно затворени.
Онлајн анкетата, нарачана од порталот за споредба Verivox и спроведена од институтот за истражување на мислење Innofact, собра одговори од 1.007 учесници помеѓу 27 и 31 март.
Резултатите покажуваат остра поделба по ова прашање, при што 55 отсто од испитаниците го поддржуваат реактивирањето на нуклеарните централи, 36 проценти против нуклеарната енергија и девет посто неопределени.
Конзервативниот блок на земјата ЦДУ/ЦСУ, кој се очекува да ја формира следната влада под Фридрих Мерц, покажа интерес за повторно разгледување на можноста за повторно отворање на неодамна затворените нуклеарни централи.
Според истражувањето, 32 проценти од испитаниците поддржуваат повторно отворање затворени погони, па дури и изградба на нови, додека 22 отсто се за повторно активирање на неодамна затворените погони.
Мажите повеќе ја поддржуваат нуклеарната енергија отколку жените, покажа истражувањето.
Германија беше толку вознемирена од нуклеарната катастрофа во Фукушима во Јапонија во март 2011 година што тогашната канцеларка Ангела Меркел најави постепено укинување на нуклеарната енергија во земјата.
Оригиналниот план предвидуваше целосно исклучување до крајот на 2022 година, но тоа беше одложено поради енергетската криза предизвикана од руската инвазија на Украина.
Во меѓувреме, проширувањето на обновливите извори на енергија продолжува да добива широка поддршка во Германија, при што 57 проценти од анкетираните поддржуваат континуирани големи инвестиции во оваа област. Само 17 посто се спротивставија на оваа насока.
