Откако актерот Мики Рурк (72) налути многумина поради хомофобични коментари што ги даде на пејачката и јутјубер Џоџо Сиви (21) за време на снимањето на британското реално шоу Celebrity Big Brother, актерката Бела Торн се огласи на Инстаграм за да го опише своето искуство со актерот додека го снимаше филмот „Девојка“ од 2020 година.
Таа напиша дека актерот е „одвратен“ и додаде дека работата со него е „едно од најлошите искуства“ во нејзиниот живот.
„Ова е е*ениот лик. Морав да работам со овој човек - во сцена каде што сум на колена со рацете врзани зад грб. Требаше да ми стави метална брусилка на коленото, а наместо тоа ми ја стави на гениталиите преку фармерките. Ме удри со тоа преку гениталиите. Имав модринки на карлицата.“ напиша таа на Инстаграм стори покрај скриншот од напис во BBC „Рурк е предупреден на „хомофобични“ забелешки до Сиви во Големиот брат“.
Во објава на X, Торн напиша дека имало „толку многу одвратни приказни и работи“ што актерот ја натерал да ги направи, вклучувајќи ја и неговата последна сцена во филмот каде што „целосно ја покрил во нечистотија со својот мотор“.
„Ме понижи на снимањето пред целата филмска екипа“
„Претпоставувам дека мислеше дека е смешно да ме понижува пред целата екипа. Морав сама да влезам во неговата приколка бидејќи тој одби да разговара со режисерот или со продуцентите, па морав да го убедам да се појави на снимањето и да ја заврши својата работа додека тој ги извикуваше лудите барања што ги сакаше од продуцентите. Јас всушност морав да го молам - сама, во неговата приколка.“
So many gross stories of things he made me go thru on that movie, including in his last scene to speed up and rev his engine so he could cover me completely in dirt. Idk I guess he thought it was funny to humiliate me in front of the entire crew. Having to go in his trailer…
— BITCHIMBELLATHORNE (@bellathorne) April 11, 2025
"Бидејќи филмот не можеше да се заврши без него, сите наши напори (на целата екипа) ќе беа залудно потрошени. Ми беше непријатно, но го направив она што се бараше од мене и што беше најдобро за филмот. Мики не требаше да се однесува така и да ги става луѓето во непријатни позиции", заклучила таа.
Одговорил менаџерот на Рурк
По обвинувањата на актерката, менаџерката на Рурк, Кимберли Хајнс за британските медиуми изјави дека негира дека нешто „непримерно“ се случило за време на снимањето на филмот. „Бев таму како менаџер на Мики и ја гледав секоја средба меѓу Бела и Мики. Бела всушност беше издигната преку целото снимање и беше поголема дива од Мики некогаш!“, изјави Хајнс.
„На денот на овој „наводен инцидент“, Бела го покани Мики во нејзиниот трејлер откако се дружеле. Ништо необично не се случи на сетот или надвор од сетот! Како и секогаш, секоја приказна има две страни“, додаде таа.
