Украинскиот претседател Володимир Зеленски објави дека во текот на оваа недела претставниците на неговата земја ќе имаат повеќе меѓународни контакти, што би можело да биде чекор кон завршување на војната со Русија, и дека од украинската страна „сè ќе биде максимално подготвено за завршување на војната“.
-Оваа недела ќе има контакти со Турција, ќе има контакти со земјите од Заливот, со европските земји, што може да биде платформа за разговор со Русите, рече Зеленски во неговото редовно вечерно видео обраќање до Украинците, пренесе Укринформ.
Тој рече дека е важно и земјите-партнери на Украина да го потврдат ова.
-И во иднина, сè ќе зависи исклучиво од волјата на светските лидери, првенствено на Соединетите Американски Држави, да извршат притисок врз Русија, нагласи Зеленски.
Според него, потребни се нови чекори и нов притисок преку санкции и царини за да се принуди Русија да ја заврши војната.
-Тукушто одржав состанок со дипломатскиот тим - Министерството за надворешни работи, Канцеларијата, сите. Подготвуваме нови контакти со лидерите на земјите-партнери. Очекуваме дека ќе бидат многу активни во наредните недели, додаде Зеленски.
Every day we are in contact with our partners – negotiations, meetings. It is important that everything be as practical as possible – what forces on the ground, in the air, at sea – everything must be clearly defined.
— Volodymyr Zelenskyy / Володимир Зеленський (@ZelenskyyUa) August 26, 2025
And the foundation of security is our strong army, Ukraine’s… pic.twitter.com/ORjKqiUeZ1
