Мажите отвориле оган откако влегле во селото Сабон Гарин Дамри во државата Замфара, изјавил локален жител.
„Тие дојдоа на мотоцикли, пукајќи неселективно пред да ги киднапираат нашите ќерки и деца. И досега не сме слушнале ништо од нив. Сè е тивко“, рече тој.
Во последниве години, групите што мештаните ги опишуваат како бандити убиле стотици луѓе и киднапирале илјадници во државата. Тие често држат заробеници со месеци и бараат откуп за нив.
„Повеќе од 60 луѓе беа киднапирани, вклучувајќи жени и деца. Напаѓачите убиле земјоделец и го киднапирале неговиот син во блиското село Рогоџи“, изјави денеска старешината на селото Шеху Муса.
Замфара, која се граничи со Нигер, се претворила во епицентар на насилни напади кои принудиле илјадници луѓе да ги напуштат своите домови.
