Тинејџерката Фиби Бишоп (17) исчезнала на 15 мај, а полицијата ја уапси нејзината цимерка, Таника Кристан Бромли, во текот на викендот, а ѝ беше одбиено и барањето за кауција, објави Дејли Меил.
Полицијата соопшти дека огнено оружје, муниција и два реплики на пиштоли се пронајдени во сив „Хјундаи икс35“, додека дополнителна муниција е откриена во куќата.
И возилото и куќата претходно биле прогласени за места на злосторство како дел од специјална истрага.
И Таника и нејзиниот партнер Џејмс Вуд, исто така цимер на Фиби, досега немаат никаква врска со исчезнувањето на тинејџерката.
Ова се случува кратко откако полицијата пронајде докази за кои се верува дека се поврзани со исчезнувањето на Фиби, која исчезнала пред 11 дена.
Во соопштението објавено денеска, полицијата на Квинсленд соопшти дека запленила неколку предмети за кои верува дека се поврзани со нејзиното исчезнување.
Полицијата вели дека овие предмети сега се испитуваат, но не открива за што се работи или каде се пронајдени.
Специјалните сили продолжуваат со потрагата по неа, а полицијата ја прошири областа на пребарување откако неодамнешната истрага покажа дека доказите можеби биле преместени од областа пред нивното пристигнување.
Детективите апелираат до секој што има информации, снимки или можеби видел сив „Хјундаи икс35“ во поширокиот регион Џин Џин помеѓу 15 и 18 мај да се јави.
Фиби не е видена од 15 мај. Таа е висока околу 180 сантиметри, има блед тен, долга обоена црвена коса и кафеави очи.
Фиби последен пат била видена пред 11 дена, кога требало да лета од Бандаберг до Бризбејн пред да отпатува во Западна Австралија за да се види со пријателка на 15 мај.
Сепак, таа не се качила во авионот и оттогаш не е видена ниту е слушнато од неа.
Во објава на социјалните мрежи, нејзината мајка Кајли Џонсон рече дека живеат во „циклон на неизвесност“ бидејќи не знаат што се случило со неа.
„Фиби не е дома веќе 11 дена, сите сме во солзи, срцата ни се скршени и овој пекол е тежок“, рече таа утрово.
Мајката истакна дека исчезнувањето на Фиби влијае и на нејзиниот помлад брат, кој упорно прашува зошто Фиби не им се јавува на телефон.
Кучиња, кои се специјално обучени за пронаоѓање човечки останки, се вклучени во истрагата.
Сепак, засега нема траги од исчезнатата тинејџерка.
