„Рускиот лидер намерно ги одложува мировните преговори додека започнува напади врз Украина. Ова дополнително се потврдува со неселективните напади врз Киев минатата недела, кои предизвикаа значителна штета на зградите на Британскиот совет и делегацијата на ЕУ“, рече Стармер, обраќајќи се пред учесниците на состанокот на „Коалицијата на волјата“ во Париз преку видео врска, пренесува Скај њуз.
Британскиот премиер нагласи дека групата има обврска кон Украина, со поддршка на американскиот претседател Доналд Трамп, и дека е јасно дека сега „тие мора да одат уште подалеку за да извршат притисок врз Путин за да обезбедат прекин на непријателствата“.
Стармер ги поздрави најавите на некои украински партнери за снабдување на Киев со ракети со долг дострел. Денеска во Париз се одржа состанок на повеќе од 30 лидери на земјите од „Коалицијата на волјата“ во поддршка на Украина, а на состанокот присуствуваше и украинскиот претседател Володимир Зеленски.
