Државната полиција на Викторија интервенирала и го уапсила осомничениот откако патниците го совладале.
Инцидентот се случил попладнево кога осомничениот, облечен во рефлективен елек со алат, поминал низ дупка во оградата на аеродромот Авалон и стигнал до авионот. Откако се качил по скалите и влегол во кабината, патниците забележале дека носи огнено оружје. Брзо реагирајќи, тројца патници го совладале и го држеле под контрола до доаѓање на полицијата.
Еден од патниците, кој седел напред во авионот, рекол дека младиот човек првично се однесувал како член на персоналот на аеродромот, но дека набрзо му станало сомнително. "Стјуардесата го запре и почна да го испрашува, а тој стана нервозен. Набрзо се појави пушка и сфативме дека мораме брзо да дејствуваме. Успеав да му го тргнам оружјето, да го фрлам по скалите и да го соборам на подот, додека другите го држеа додека не дојде полицијата", рекол патникот.
Courageous passenger saved the day as he subdued an alleged offender on Avalon Airport flight : A teenager who allegedly boarded a Jetstar flight bound for Sydney Australia armed with a shotgun has been arrested on the plane, forcing Victoria's Avalon Airport into lockdown.
— FL360aero (@fl360aero) March 6, 2025
The… pic.twitter.com/BCWiMhJXGt
По пристигнувањето на аеродромот, полицијата го привела осомничениот и кај него пронашла сачмарка и муниција. Инспекторите се уште утврдуваат дали оружјето било легално регистрирано и како тинејџерот успеал да помине низ обезбедувањето на аеродромот. Неговото возило е пронајдено и е дел од истрагата, додека полицијата се консултира со антитерористичките единици. Младиот човек претходно ѝ бил непознат на полицијата, а допрва ќе биде поднесена пријава против него.
As per some sources, the teen dug a hole under the fence of Avalon airport and entered inside.
— FL360aero (@fl360aero) March 6, 2025
He cautiously walked to the Jetstar plane operating flight JQ610 while passengers were boarding.
When asked for his boarding pass by the stewardess, he resisted, and that was the… pic.twitter.com/EtQAqfZ0X1
По инцидентот, сите патници се евакуирани, а аеродромот Авалон е привремено затворен додека се вршат безбедносни проверки. Jetstar, единствената авиокомпанија што врши комерцијални летови од аеродромот, рече дека тесно соработува со полицијата и аеродромските власти за да го истражат инцидентот.
Аеродромските власти нагласија дека нивниот примарен фокус е безбедноста на патниците и персоналот, додека од авиокомпанијата потврдија дека нема повредени во инцидентот.
