- Овој суд е деградиран до алатка на политиката, рече Орбан во заедничката изјава за печат со Нетанјаху во Будимпешта. Тој додаде дека пристрасниот став на Судот е очигледен во неговите одлуки во однос на Израел.
Тој рече дека „Унгарија нема да учествува во тоа“ и потврди дека неговата земја се повлекува од Римскиот статут, основачкиот документ на МКС.
Нетанјаху му се заблагодари на Орбан за поддршката што Израел ја добива од Унгарија. Со најавеното повлекување на Унгарија од МКС, Орбан покажа „храбар и принципиелен став“, рече Нетанјаху.
МКС во ноември издаде меѓународна потерница за Нетанјаху за наводни воени злосторства и злосторства против човештвото во војната во Газа.
Нетанјаху ги отфрла обвинувањата и тврди дека меѓународниот суд се обидува да го оспори правото на Израел на самоодбрана во неговата борба против терористичката милиција Хамас во Појасот Газа, потсетува ДПА.
