Ерин, првиот ураган од атлантската сезона 2025, нагло се засили во текот на викендот и во саботата достигна категорија 5, најсилниот на скалата Сафир-Симпсон. По краткото слабеење, повторно се здоби со сила и во моментов е ураган од категорија 4 со ветрови од околу 215 км/ч, пишува Лајв Сајанс.
Патеката на бурата и првите предупредувања
Според најновите информации од Националниот центар за урагани (NHC) објавени денес, бурата моментално е источно од Бахамите и се очекува да помине помеѓу Бермудите и источниот брег на САД до средината на неделата. Иако не се предвидува Ерин да стигне до копно, нејзината сила ќе претставува сериозна закана за крајбрежните области.
The most incredible satellite imagery yet of Hurricane Erin’s 915 MBAR, Category 5 peak intensity last night.
— Backpirch Weather (@BackpirchCrew) August 17, 2025
You can see the classic Stadium Effect where the storm’s rapidly rotating eyewall slopes into the cloudless, 5 mile-wide eye.
Still can’t believe she got this strong. pic.twitter.com/rTFnL9up1v
Националната метеоролошка служба вчера издаде предупредување за крајбрежни поплави, кое би можело да започне утре. Надворешните брегови на Северна Каролина се особено ранливи, а округот Дар прогласи вонредна состојба и издаде задолжителна наредба за евакуација за островот Хатерас.
„Некои бранови би можеле да надминат 100 стапки“
Сигначите предупредуваат дека минувањето на моќна бура би можело дополнително да ги засили брановите и да ги подигне до екстремни височини.
„Најновата прогноза покажува дека брановите би можеле да бидат просечно високи над 15 стапки, а некои да достигнат 100 стапки“, изјави за Newsweek Жан Бидлот, научник во Европскиот центар за среднорочни временски прогнози.
NHC соопшти дека ураганот ќе создаде опасни океански услови што ќе ги погодат Бахамите, Бермудите, источниот брег на САД и атлантските провинции на Канада во следните неколку дена. „Овие сурови океански услови веројатно ќе произведат бранови и струи што се опасни по живот“, се вели во соопштението.
🌀TRACKING ERIN: Waves are already starting to churn in the Outer Banks of North Carolina. Some mandatory evacuations are underway as massive Hurricane Erin begins its turn north. FOX Weather Storm Specialist @mikeseidel is in Kitty Hawk with the latest. pic.twitter.com/NYaqSMS1nq
— FOX Weather (@foxweather) August 18, 2025
Една од најбрзо растечките бури во историјата
Ураганот Ерин напредуваше екстремно брзо од категорија 1 во петокот до категорија 5 во саботата, што го прави една од најбрзо зајакнувачките атлантски бури досега, според CNN Weather. Потоа, вчера, бурата ослабе до категорија 3, само за повторно да се зајакне до категорија 4.
Експертите истакнуваат дека сè повеќе урагани над Атлантикот се во процес на брзо зајакнување, што е последица на климатските промени што предизвикуваат зголемување на температурата на атмосферата и океаните. Од март 2023 година, просечните температури на површината на морето рушат рекорди на глобално ниво, а потоплите води им даваат дополнителна енергија на ураганите додека се развиваат.
Ерин останува значителна закана
Како ураган од категорија 4, Ерин се смета за голема бура чии ветрови, со брзина од 209 до 251 км/ч, би можеле да предизвикаат „катастрофална штета“. Бурата опфаќа голема површина, со ветрови со сила на ураган што се протегаат до 370 километри од центарот.
Tropical Atlantic remains interesting this morning as the east coast is on alert for intense coastal and marine impacts from hurricane #Erin which appears to be ramping up again. It also continues left of track which only brings its coastal impacts closer to the eastern USA… pic.twitter.com/QA5YrHdrl0
— Jim Cantore (@JimCantore) August 18, 2025
Синоптичарите очекуваат ураганот повторно да се зајакне во текот на денот, по што ќе следи мало слабеење. Без оглед на промените во интензитетот, Ерин ќе остане значителна закана. „Иако се предвидува одредено слабеење почнувајќи од вечерва, Ерин ќе остане голем и опасен ураган до средината на оваа недела“, соопшти NHC.
Unbelievable footage from NOAA’s Hurricane Hunters inside the eye of Hurricane Erin.
— Nahel Belgherze (@WxNB_) August 16, 2025
Simply incredible. pic.twitter.com/3pTiNI6mpX
Снимки од „окото“ на ураганот
Националната океанска и атмосферска администрација (NOAA) објави видео од „окото“ на ураганот кое брзо стана вирално. „Ловците на бури“ на NOAA, или специјализирани екипи во кои се вклучени метеоролози, спроведуваат овие ризични мисии за собирање податоци во ураганите и тропските бури, кои се користат за да се направат поточни прогнози и предупредувања од NHC.
