Сликата на Самуел да Силва дос Сантос, како држи кревко новороденче во рацете, а нејзините мали нозе ѕиркаат од розово ќебенце, пред улица полна со ѓубре во северниот дел на бразилската метропола, стана вирална на социјалните мрежи, предизвикувајќи бурни реакции - радост и огорченост, пренесе Франс 24..
„Многу е трогателно, бидејќи таа е борец, нели? Таа е повторно родена“, изјави работникот подоцна за AFP, не можејќи да ги задржи солзите.
Заедно со колега го пронашол бебето во кутија оставено покрај контејнер. Отпрвин мислел дека е пластична кукла.
Сѐ се случило околу два часот по полноќ, кога им се ближел крајот на интензивната смена.
"На почетокот бебето не реагираше. Но, кога мојот пријател Семјуел ја зеде во раце, мислам дека се почувствува позаштитено, малку се загреа", рекол колегата Андерсон Мендез Нуњез.
„Потоа почна да ги отвора очите“, додаде тој.
Силва дос Сантос го предал девојчето на општинските здравствени служби кои објавија охрабрувачки вести. Таа е во „стабилна“ состојба.
Полицијата истражува за да го идентификува детето и кој го оставил таму, објавија бразилските медиуми.
„Претежно, забрзано работиме на отстранување на ѓубрето што се собира со лопати и се фрла во возилата. Работите можеа да бидат и полоши“, вели Силва дос Сантос, татко на три деца.
Она што тој планира да го направи следно остави многумина без зборови.
"Ќе се пријавам да ја посвојам. Таа има потреба од некој кој ќе ѝ даде љубов, да се грижи за неа", рекол нејзиниот спасувач.
