Последната фаза од експериментот во Холандија започнува на 7 април, објави NL Times.
Одлука на властите
Претходно беше забележано дека сопствениците на кафулињата кои учествуваат во експериментот веруваат дека нема да можат да ги исполнат своите обврски до тој датум бидејќи се уште не е регулирано снабдувањето со легален канабис.
Кабинетот и градоначалниците на 10-те општини вклучени во експериментот решија да се држат до зацртаниот датум.
Меѓутоа, сега министерот за правда и државниот секретар на земјата најавија дека правилата против нелегалниот канабис нема да се применуваат до 10 јуни.
Која е целта на експериментот?
Ова беше направено за да им се даде на одгледувачите повеќе време да го подобрат производството на дрогата и да им се даде можност на сопствениците на кафулиња да ги прошират своите понуди.
Одложувањето се однесува само на хашиш. Затоа, забраната за продажба на нелегална марихуана ќе стапи на сила на 7-ми април.
Досега се толерираше продажбата на канабис во кафулињата, но одгледувањето е забрането. На сопствениците на кафулиња им било дозволено да продаваат хашиш и марихуана без да бидат кривично гонети за тоа.
Со овој експеримент, владата сака да испита дали е можно да се регулира и производството и дистрибуцијата и продажбата на канабис.
