Случаен минувач забележал „безживотно тело на жена во сина пластична кеса“ и ги алармирал властите, кои пристигнале на местото на настанот користејќи дронови и друга опрема.
„Најбизарната операција“
Со часови, со асистенција на пожарникари ја пребарувале областа, а потоа се случи шокантен пресврт на настаните! Во сина кеса ИКЕА пронашле секс кукла која некој ја фрлил длабоко во шумата, пренесува Метро.
Полицијата ја извадила пластичната кукла, додека на погребната екипа ѝ било кажано да си оди дома.
Лентата на местото на злосторството исто така е отстранета, со што заврши една од „најбизарните полициски операции во овој дел на Германија“, се вели во соопштението.
Драма во паркот
Ова не е првпат секс куклите да се најдат во центарот на неверојатните приказни. За потсетување, на почетокот на 2022 година, полицијата во Џорџија доби пријава за „безживотно тело“ пронајдено на патека во Националниот парк Хичити.
По итна интервенција било утврдено дека се работи за русокоса кукла со големина на човек по име Селена.
Таа била облечена во кратки сини шорцеви и розова маичка, а очигледно изгледала неверојатно „живо“.
