Двајцата мажи се нашле среде „дожд од куршуми“ испукани од група напаѓачи кои скокнале од автомобил и почнале да истрелуваат проектили.
Полицијата синоќа привела едно лице во врска со пукањето што се случило на сред улица, нешто пред 1 часот по полноќ. Граѓаните слушнале рафали од огнено оружје, а по доаѓањето на местото на настанот полицијата затекнала страшна глетка. Двајца мажи лежеле во локва крв. Едниот починал набргу по пристигнувањето во болница и покрај напорите на лекарите, додека другиот се здобил со тешки повреди и е во критична состојба.
Полицијата на местото на настанот пронашла бројни чаури од различен калибар, што укажува дека во нападот учествувале повеќе лица.
Според првичните податоци од истрагата, напаѓачите на местото на злосторството пристигнале со Цитроен Ц3. Потоа двајца мажи излегле од возилото и почнале да пукаат кон жртвите. Возачот на цитроенот излетал со полна брзина, едниот од напаѓачите побегнал пеш, а другиот од случаен минувач украл скутер и исчезнал. Еден од осомничените недалеку од местото на злосторството фрлил оружје, кое полицијата го пронашла и го одзела.
Неколку минути по нападот, полицијата забележала возило во градот поврзано со злосторството, по што настанала драматична потера. Возачот носел маска на лицето, а кога го стигнале и го привеле, во возилото пронашле и полуавтоматско оружје и неколку рачно изработени запаливи средства.
Се уште не е познат мотивот за злосторството, како и дали напаѓачите лично ги познавале жртвите. Истрагата оди во сите правци. Двајцата стрелци се уште се во бегство. Не се знае дали приведениот кажал нешто на рочиштето.
Според француските медиуми, претходната ноќ била многу турбулентна во некои населби во департманот Сена-Сен Дени. Околу половина час пред пукањето, полицијата и пожарникарите биле повикани на пожар во кој биле вклучени дури осум цистерни и три возила. Со удари со чекан биле уништени и четири градски надзорни камери, а се уште нема апсења.
