Заеднички американско-катарски тим за пребарување, со помош на сириските безбедносни сили, ги пронајде останките на исчезнатиот американски новинар Остин Тајс во Алепо, Сирија, објавија денес израелските и американските медиуми.
Поранешен оперативец на Исламска држава му ја открил на тимот локацијата каде што биле закопани останките на Таис, а неименуван официјален сириски извор рекол дека на истата локација се пронајдени уште две тела, објави „Тајмс оф Израел“, повикувајќи се на „Ал Џезира“.
Во исто време, „Џерусалем пост“, повикувајќи се на „Скај њуз Арабија“, објавува дека телото на Остин Тајс (43) е пронајдено на гробишта во северна Сирија.
Тајс исчезна во 2012 година откако патуваше во Сирија како независен новинар за да го документира почетокот на сириската граѓанска војна, а неговата трага беше изгубена во близина на Дамаск.
Оттогаш, ништо не се знае за него, а неколку дена по неговото исчезнување, се појави видео на кое се гледа како е со заврзани очи и вооружени мажи го држат како заложник.
Напорите да се открие каде се наоѓа Таис се интензивираа откако режимот на поранешниот сириски лидер Башар ал-Асад падна во рацете на исламистичките бунтовници во декември 2024 година.
Владата на Асад претходно негираше дека го заробила.
