Минатите денови, од Милан се појавија две приказни за хаос. Едната вклучува физичка пресметка помеѓу Златан Ибрахимовиќ и Макс Алегри, кои морале да бидат разделени од поранешниот спортски директор Игли Таре, а другата е шокантно тврдење дека клубот се надевал на неуспех во Лигата на шампионите. Иако веќе некое време се шпекулира за големи тензии помеѓу сега веќе екс-тренерот Алегри и специјалниот советник на Ибрахимовиќ, весникот „Кориере дела Сера“ тврди дека ситуацијата била многу полоша отколку што се сметаше претходно.
Според италијанскиот весник, двајцата имале физичка пресметка во ресторан во присуство на извршниот директор Џорџо Фурлани. Се тврди дека морал да бидат разделени од спортскиот директор Игли Таре. За истиот извор, уште позагрижувачка е информацијата што се однесува на последниот натпревар од сезоната во Серија А против Каљари. Кога Алексис Салемакерс го постигна првиот гол на самиот почеток од натпреварот, единствениот член на управата на Милан кој наводно славел на трибините бил Таре. Изворот наведува дека причината за ова е тоа што другите директори знаеле дека квалификациите за Лигата на шампионите ќе го отежнат и поскапат отпуштањето на тренерот Алегри. Милан го загуби тој натпревар со 2-1 и остана без место меѓу првите четири, а со тоа и без Лигата на шампионите. Набргу потоа, клубот ги отпушти Алегри, Таре, Фриулани и техничкиот директор Џефри Монкада одеднаш.
