Никола Јокиќ, најдобриот кошаркар на Денвер Нагетс, присуствуба во Будимпешта да го бодри Арсенал во финалето на Лигата на шампионите. „Топџиите“ се борат против Пари Сен Жермен за првиот трофеј посветен на најдобрите во Европа во нивната историја, а Никола Јокиќ е исто така на трибините на Пушкаш Арената со својот брат. Кога Каи Хаверц ја затресе мрежата на актуелниот шампион во шестата минута и му донесе водство на Арсенал, Јокиќ знаеше како да слави. Впечатокот е дека не славеше вака дури ни кога Денвер беше шампион на НБА лигата во 2023 година, а не беше ниту на коњската трка, што му е омилено хоби. Јокиќ е во јавноста за прв пат по испаѓањето на Денвер од НБА оваа сезона. Ве потсетуваме, Нагетс го завршија својот пат до титулата веќе во првото коло од плејофот, каде што Минесота беше подобра од нив. Инаку, Денвер и Арсенал имаат ист сопственик, американскиот милијардер Стен Кронке, односно неговата спортска империја Kroenke Sports & Entertainment.
Nikola Jokic and his brother celebrating Arsenal’s opening goal in the UEFA Champions League final against PSG! 🔥⚽️🙌
🎥 Video credits: @SkautSport (IG) pic.twitter.com/Koz92vg95Q
— Basketball Sphere (@BSphere_) May 30, 2026
