Инцидентот се случил во понеделник, а вознемирената жена веднаш ја повикала полицијата. Тие пронашле кралски питон во тоалетот (Python regius) кој се однесувал пријателски, што укажувало дека станувало збор за нечие домашно милениче.
„Не сакам ни мали, а камоли...“
Змијата била внимателно ставена во пластична кутија, а потоа предадена на специјализирана градска служба. Подоцна била предадена на локално здружение кое се грижи за егзотични животни.
Не долго потоа, бил идентификуван сопственикот, на кого му бил вратен кралскиот питон, објавува Дејли Меил.
Еден од жителите на зградата каде што била пронајдена змијата признал за локалните медиуми дека бил преплашен.
„Не сакам ни мали, а камоли толку големи“, рекол Ван Копенол, кој има мачка како домашно милениче.
Како питонот влегол во станот?
Иако на жителите им олеснало, останува прашањето како змијата завршила во бањата? Експертот за диви животни Кевин Макерли има интересна теорија - питонот можеби го користел канализацискиот систем.
„Можно е да влегол во тоалетот и да поминал низ цевките. Потребно му е кратко време да го задржи здивот“, рече Макерли.
Топчестите питони често се чуваат како домашни миленици и обично достигнуваат должина помеѓу 90 сантиметри и 1,5 метри.
