Таа ја снимила целата интеракција и ја објави на TikTok, каде што видеото од ресторанот во Шпанија набрзо стана вирално.
Лив и нејзините пријателки решиле да споделат главно јадење и салата, но келнерот сметал дека е премногу за нив. На видеото се слуша како Лив го прашува келнерот: „Дали мислиш дека е премногу? Не мислев дека е толку многу“. Келнерот одговори: „Ќе избришам сè и ќе почнеш одново“.
Кога друга девојка на масата го прашала што отстранил од нарачката, тој одговори: „Знам дека си гладна, но...“ Лив се обидела да објасни: „Затоа сакавме едно за двете, за да биде помало“.
„Ми се допаѓа кога мажите мислат дека жените не јадат“
Во описот на видеото на TikTok, Лив напиша: „Тукушто отидовме на вечера и машкиот келнер ни рече дека тоа е премногу храна за група жени“, додавајќи дека тие „буквално нарачале предјадења“ и сакале „да го споделат главното јадење“.
„Тој буквално ја одби нарачката и нè натера да се чувствуваме толку лошо затоа што нарачавме повеќе од она што тој го препорача (не побаравме негов совет за ова)“, продолжи таа. „Ми се допаѓа кога мажите мислат дека жените не јадат“.
@livlivinlife__ this is actually WILD just like god forbid women have appetites??? stunning behaviour really x #men #femaleempowerment ♬ original sound - liv
Менаџментот застана во одбрана на келнерот
Во второто видео, девојките побарале друг келнер, но наместо тоа пристигнал менаџерот и го бранел својот вработен. „Мислам дека беше кажано на шега“, им рече тој. „Разбирам дека не е смешно, но нарачката е генерално доста голема“.
Откако ја разгледал нивната маса, тој додаде: „Сè уште не сте ја изеле целата храна“, пред да каже дека „им е жал“ што им е непријатно. На крајот сугерирал дека таквото однесување е „шпанска“ работа.
@livlivinlife__ Replying to @Evelyn,Candy it took so much in me to speak up lol what do we think about this response?? and yes service was included on the end :) #women #femaleempowerment #restuarant ♬ original sound - liv
Згрозени корисници на TikTok
Корисниците на TikTok беа згрозени од ваквото однесување и го изразија своето мислење во коментарите. „Како менаџерот се обидува да ги оправда неговите постапки. Тоа е лудо. Никој не треба да коментира за нарачките за храната на други луѓе“, напиша еден.
Друг додаде: „Во моментот кога менаџерот рече: „Сигурен сум дека тоа беше кажано на шега“, ќе станев и ќе си заминев. Зошто останавте таму? Зошто воопшто би размислувале да им ги дадете парите на тие луѓе?“
„Тој никогаш не се извини“, истакна трет.
